Dhurata Hoxha: Fuqizimi i ligjit, element kyç për rritjen e zhvillimit ekonomik investime

Dhurata Hoxha: Fuqizimi i ligjit, element kyç për rritjen e zhvillimit ekonomik investime

Gjatë vizitës në Britaninë e Madhe, Ministrja e Drejtësisë, Dhurata Hoxha, është takuar me Drejtoreshën e Zyrës për Ballkanin Perëndimor, Fiona Mcilwham.  Gjatë këtij takimi, Ministrja Hoxha njoftoi znj. Mcilwham për prioritetet dhe objektivat e Ministrisë së Drejtësisë të përcaktuara gjatë mandatit të saj në krye të këtij institucioni. Ndër të tjera, ajo vuri theks të veçantë në nevojën për reformimin e mëtejmë të sistemit të drejtësisë, qoftë përmes reformave legjislative apo përpjekjeve më të mëdha për të fuqizuar zbatimin e ligjit.  Ministrja Hoxha, vuri në pah rëndësinë e fuqizimit të sundimit të ligjit, si një ndër elementet kyçe për rritjen e zhvillimit ekonomik dhe tërheqjen e investitorëve. Zonja Mcilwham, shprehu përkushtimin e Zyrës për Ballkanin Perëndimor për të mbështetur Ministrinë e Drejtësisë në rrugën drejt reformimit të mëtejmë të sistemit të drejtësisë dhe fuqizimit të sundimit të ligjit. Znj. Mcilwham, vlerësoi lartë përkushtimin e Ministres Hoxha dhe konsideroi se përkushtimi i saj për të fuqizuar sundimin e ligjit është qenësore për progresin në këtë sektor. Ministrja Hoxha po qëndron në Londër me ftesë të Sekretares së Shtetit për Drejtësi të Britanisë së Madhe, Liz Truss.

Kontrolloni gjithashtu

Bedri Hamza është shprehet optimist se do ta fitojë garën për kryetar të Mitrovicës pa balotazh

Bedri Hamza shfaq dyshime lidhur me komunikimin e njërit prej organizatorëve të sulmit në veri të Kosovës me Mimoza Kusarin

Kryetari i Mitrovicës, Bedri Hamza, ka ngritur një zë kritik në lidhje me dialogun me …