Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në janarin e vitit 2011, me votat e deputetëve në Asamblenë Parlamentare të Këshillit të Evropës, arriti të votohej raporti, i cili çoi në krijimin e Gjykatës Speciale për Kosovën. Raporti i ish-prokurorit zviceran, Dick Marty, përfshinte akuzat se gjoja UÇK kishte kryer krime, deri edhe trafikim të organeve njerëzore. Asambleja e Këshillit të Evropës kishte nisur procedurat duke krijuar një forcë hetimore, e cila iu dha EULEX-it. Raporte të tilla kjo Asamble kishte miratuar edhe më parë madje po nga Dick Marty. Por për dallim nga Kosova, hetime të ngjashme nuk pati kurrë. Senatori zviceran kishte evidentuar shkelje të të drejtave të çeçenëve nga Rusia, përfshirë vrasje, zhdukje e tortura. Madje raportin e votuan edhe deputetët rusë në Asamble, por zbatimi i tij në praktikë asnjëherë nuk u realizua. Kjo vërtetohet me letrën që në vitin 2010, organizata për mbrojtjen e të drejtave të njeriut, ia dërgoi Këshillit të Evropës. Ndërsa me presionin ndërkombëtar, Kosova u detyra ta pranojë krijimin e Gjykatës Speciale, e cila tani po përpiqe ta diskreditojë luftën e UÇK-së duke e trajtuar si organizatë kriminale. Kjo gjykatë antishqiptare ka arrestuar katër ndër krerët kryesorë të luftës, ndërsa parasheh që nxjerrë para gjyqit edhe qindra luftëtarë të lirisë së Kosovës.
