Disa fëmijë vitias me anomali në zemër dhe sëmundje të syve do të trajtohen për shërim

14/02/2022 Institucionet

Kryetari i komunës së Vitisë Sokol Haliti, ka pritur në takim përfaqësuesin e Këshillit të Rotary Club Kosova, Ardian Hoxha. Në këtë takim u diskutua për nevojat e qytetarëve vitias të cilët kanë probleme të ndryshme me shëndetin. Por, e veçantë e këtij takimi ishte çështja e trajtimit të 100 fëmijëve të Kosovës, të cilët kanë anomali në zemër si dhe sëmundje të syve. Në mesin e këtyre fëmijëve që do të trajtohen për shërim, do të jenë edhe disa fëmijë të komunës së Vitisë, numri i të cilëve do të caktohet varësisht prej kapaciteteve të Rotary Club Kosova, të cilët janë donatorë të kësaj iniciative. Kryetari Haliti u shpreh i gatshëm që të përkrahë këtë iniciativë. “Ne ju përgëzojmë për këtë iniciativë tejet të nevojshme dhe të rëndësishme për fëmijët vitias, dhe padyshim që do të keni përkrahjen tonë në këtë drejtim”, ka thënë Haliti. Ndërsa përfaqësuesi i Këshillit të Rotary Club Kosova, Ardian Hoxha, iu ka bërë kërkesë drejtoreshës së Shëndetësisë dhe Mirëqenies Sociale, Merrushe Ahmeti dhe drejtoreshës së QKMF-së në Viti, Vjollca Kadolli, që të bëjnë një listë të fëmijëve të evidentuar me këto anomali, e që kanë nevojë për shërim. Tema tjera të diskutimit gjatë këtij takimi ishin edhe krijimi i një qendre në Viti, si dhe sigurimi i aparaturës për trajtimin e personave me hemodializë, apo sigurimi i një mjeti transportues që i plotëson kushtet për bartjen e tyre nga Vitia në Gjilan. Po ashtu, sigurimi i një mjeti të transportit për fëmijët me nevoja të veçanta dhe sigurimi i pjesës medikale për zjarrfikësit.

Kontrolloni gjithashtu

Shpallet Gjendje Emergjente për grumbullimin dhe bartjen e mbeturinave në territorin e Komunës së Ferizajt

SQARIM PUBLIK në lidhje me gjendjen e krijuar ditëve të fundit me grumbullimin dhe bartjen …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara