DKRS në Rahovec, shpall konkurs për krijimtari letrare

16/11/2021 Institucionet

Bazuar në vendimin nr. 1427 të datës 30.04.2019 të Kuvendit të Komunës së Rahovecit, për themelimin e çmimit letrar “Sulejman Krasniqi”, Drejtoria për Kulturë, Rini dhe Sport shpall:

KONKURS PËR KRIJIMTARI LETRARE

Drejtoria për Kulturë, Rini dhe Sport në Komunën e Rahovecit, me synim të nxitjes së krijimtarisë letrare – artistike, fton krijuesit nga komuna e Rahovecit që të konkurrojnë me punimet e tyre letrare – artistike, në kuadër të shënimit të Ditës së Bibliotekës Komunale “Sulejman Krasniqi”. Vlerësimi bëhet nga njohës të fushës, (juria profesionale), të cilët do të bëjnë edhe përzgjedhjen e krijimeve më të mira letrare. Fituesi i çmimit letrar “Sulejman Krasniqi” shpërblehen me shumë të caktuar monetare, ndërsa rezultatet e konkursit publikohen më 7 dhjetor 2021, me rastin e Ditës së Bibliotekës Komunale “Sulejman Krasniqi” në Rahovec. Për të gjithë pjesëmarrësit në këtë konkurs, Komuna e Rahovecit do të ndajë mirënjohje me qëllim të pasurimit të kulturës me krijime letrare. Konkursi ka për qëllim që të nxisë shoqërinë në Komunën e Rahovecit që të merren me poezi dhe krijimtari letrare dhe në të njëjtën kohë t’iu krijojë mundësi për promovimin e krijimtarisë së tyre. Punimi letrar (prozë apo poezi) nuk preferohet të jetë më i gjatë se 4 faqe të formatit A4. Punimet dorëzohen në kopje fizike (tri kopje) në zarf të mbyllur dhe me shifër. Afati për dorëzimin e punimeve do të jetë nga data 10 nëntor 2021 deri me datë 2 dhjetor 2021. Përshkrimi: Për Çmimin letrar “Sulejman Krasniqi”. Adresa: Komuna e Rahovecit Rr. Tetë Dëshmorët e Pashtrikut p.n, sporteli Nr. 7.

Kontrolloni gjithashtu

Kryetari Latifi nënshkroi kontratat me tre praktikantë nga skema praktike në punë

Sot, kryetari i komunës së Rahovecit z. Smajl Latifi nënshkroi kontratat me tre praktikantë nga …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara