Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Disa nga përfaqësuesit e strukturave të LDK-së në vend dhe në mërgatë në një apel të drejtuar deputetëve të Lidhjes Demokratike të Kosovës kanë kërkuar nga ta që të mos e votojnë Hashim Thaçin për postin e kryetarit të Kosovës, pasi, sipas tyre vendit ti duhet një kryetar dinjitoz e konsensual. Kryetarja e Lidhjes Demokratike të Kosovës, Dega në Gjermani, Donika Gërvalla e cila e ka nënshkruar këtë apel, përmes telefonit tha për KosovaPress se ky apel u drejtohet deputetëve. “Deputetët u drejtohen kolegëve të tyre brenda Kuvendit. Kjo është iniciativë e strukturave. Aty ka nënkryetarë të nëndegëve, delegatë të Kuvendit Qendror të LDK-së. Është apel që është përkrahur nga aktivistët e anëtarët e LDK-së. Qëllimi i këtij apeli përkrahet nga elektorati, pasi që elektorati është kundër zgjedhjes së Hashim Thaçit. “Ka deputetë që janë deklaruar se nuk do të marrin pjesë në seancë. Numri i tyre nuk është i vogël. Ka deputetë që janë deklaruar edhe hapur si Vjosa Osmani, Adem Salihaj, Alma Lama, Armend Zemaj, Blerim Grainca e të tjerë. Unë mendoj që disa nga deputetët e LDK-së për shkak të presionit që kanë nga elektorati nuk do të votojnë Thaçin, pasi si rrallëkush në Kosovë, e përfaqëson përçarjen e popullit dhe jo unitetin.
