Drejtores së Qendrës së Kosovës për Rehabilitimin e të Mbijetuarve të Torturës, Feride Rushiti i është dhënë çmimi Ndërkombëtar për Gratë e Guximshme. Ky çmim jepet nga Departamenti Amerikan i Shtetit për gratë të cilat kanë dëshmuar lidership dhe guxim të jashtëzakonshëm në avokimin për paqe, drejtësi, të drejtat e njeriut, barazinë gjinore dhe fuqizimin e grave. Çmimi i është ndarë nga zonja e parë e Shteteve të Bashkuara të Amerikës, Melania Trump. Me pranimin e këtij çmimi në Washington DC, Rushiti do të ndjekë Programin Ndërkombëtar për Lidership, në kuadër të të cilit do të vizitojë shtete të ndryshme në SHBA dhe do të ketë takime me organizata dhe biznese të ndryshme, me qëllim të vendosjes së bashkëpunimit në zhvillimin e politikave dhe strategjive për fuqizimin e rolit të gruas në SHBA dhe jashtë saj.
Kontrolloni gjithashtu
Ramush Haradinaj: Mospërfshirja e Kosovës në votimin e Këshillit të Ministrave, një dështim i madh
Kryetari i AAK-së, Ramush Haradinaj, ka kritikuar ashpër kryeministrim Albin Kurti lidhur me mospërfshirjen e …