Drejtuesit e KPMM-së u takuan me Kryetarin e Malishevës, kryesuesin dhe anëtarët e KK për çështjen e lejeve për gurëthyes

16/01/2020 Institucionet

Drejtuesit e Komisionit të Pavarur për Miniera dhe Minerale (KPMM), të përfaqësuar nga kryesuesi i Bordit të KPMM-së, Musa Shabani, drejtori ekzekutiv Ramiz Krasniqi dhe zyrtarja ligjore Selvete Greiqevci, janë takuar në Malishevë, me Kryetarin e Komunës së Malishevës, Ragip Begaj, kryesuesin e Kuvendit të Komunës së Malishevës, Rrahim Morina dhe përfaqësuat e subjekteve politike në Kuvendin Komunal, Alban Mazreku (PDK), Alban Krasniqi (LVV) dhe Kastriot Berisha (AAK). Qëllimi i këtij takimi ishte sqarimi dhe konsultimi lidhur me vendimin e Kuvendit të Komunës së Malishevës, për pezullimin e përkohshëm të lejeve dhe pëlqimeve për të gjithë gurëthyesit dhe operatorët tjerë që merren me veprimtari të ngjashme në territorin e Komunës së Malishevës. Zyrtarët më të lartë të KPMM-së, kanë dhënë sqarimet e tyre lidhur me mënyrën e dhënies së lejeve për zhvillim të veprimtarive për hulumtime, gurëthyes, separacione, përpunim të betonit dhe veprimtaritë e ngjashme, ndërsa përfaqësuesit e KK të Malishevës, e kanë arsyetuar vendimin e KK, për pezullimin e përkohshëm të gurëthyesve, me qëllim të vlerësimit të ligjshmërisë për dhënien e këtyre lejeve, si dhe për verifikimin e zbatimit të kritereve nga gurëthyesit, me qëllim të mbrojtjes së jetës së qytetarëve, si pasojë e ndotjes së ambientit, minimeve që bëjnë këta gurthyes, pastaj dëmtimin e rrugëve dhe për çështje tjera të ndikimit negativ në mjedis. Pas shumë sqarimeve të bëra në mes të dy palëve, kryesuesi i bordit të KPMM-së, Musa Shabani, ka deklaruar se KPMM, tani e tutje nuk do të lëshon leje operimi pa pëlqimin e Kuvendit të Komunës, si dhe ka sqaruar se KPMM nuk mund të bëj tërheqje retroaktive të lejeve, si dhe paralajmëroi se komuna do ti bartë të gjitha pasojat e tërheqjes eventuale të pëlqimeve dhe lejeve. Nga ana tjetër, Kryetari i Komunës së Malishevës, Ragip Begaj, e ka vlerësuar si takim të rëndësishëm dhe të mirëseardhur, si dhe ka deklaruar si kryetar i komunës, do të përpiqet për zbatim të ligjeve dhe vendimeve, si dhe do të angazhohet për zgjidhjen e të gjitha çështjeve me interes për qytetarët e Komunës së Malishevës.

Kontrolloni gjithashtu

Nënshkruhet Memorandum i Mirëkuptimit në mes të Komunës së Vitisë dhe organizatës “CNVP”

Sot, kryetari i komunës së Vitisë, Sokol Haliti, ka pritur në takim Xhevat Lushin – …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara