Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, në një konferencë për mediet në sallën e hartave ka folur për negociatat me Partinë Demokratike. Ai me këtë rast ka thanë: Faleminderit që jeni sot këtu. Mendoj që është një moment i volitshëm për të bërë një rezyme të situatës për të dhënë disa informacione besoj të nevojshme, duke ndarë dhe me publikun që na ndjek në rrjetet e komunikimit. E kam pasur parandjenjë që vettingu do të na sillte probleme. E kam ndarë shqetësimin që kjo mund të bëhet pika ku PD të kapet për të bllokuar reformën në drejtësi. Surprizën e bllokimit ë vettingut unë e kam pritur në një farë mënyrë, nuk e kam pritur bojkotin e parlamentit dhe lidhjen e këtij halli me zgjedhjet. PD bëri një lëvizje surprizë dhe mori përsipër në kuadër të strategjisë së vet, një aksion shumë të rrezikshëm për vetveten, por jo pa asnjë shans për të pasur sukses. Shansi ishte mundësia për të destabilizuar koalicionin duke u përpjekur të përçajë shumicën dhe duke mikluar Ilir Metën dhe LSI-në”.
