Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, ka deklaruar se autoritetet kanë neutralizuar një dron me eksploziv, i cili, sipas tij, synonte ndërtesën e Kryeministrisë në Tiranë. Sipas raportimit të Radio Evropa e Lirë, Rama tha se incidenti kishte ndodhur dy ditë më parë dhe se droni synonte t’i vinte zjarrin oborrit të brendshëm të ndërtesës qeveritare. Kryeministri shqiptar pretendoi se pas këtij incidenti qëndrojnë aktorë të huaj, duke përmendur edhe Iranin si burim të dezinformimit dhe duke akuzuar grupe të caktuara për ndërhyrje në rrjetet sociale. Ai gjithashtu iu referua një postimi të Aleksandr Duginit, ideolog i njohur rus dhe përkrahës i presidentit Vladimir Putin, të publikuar në rrjetin social X më 17 tetor. Megjithatë, Rama nuk identifikoi personat apo grupet që dyshohet se qëndrojnë pas incidentit dhe nuk paraqiti prova publike për pretendimet e tij. Radio Evropa e Lirë bëri të ditur se kishte kërkuar koment nga Prokuroria dhe Policia e Shqipërisë, por deri në publikimin e raportimit nuk kishte marrë përgjigje.
