Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
I dërguari i posaçëm i Bashkimit Evropian për dialogun Kosovë-Serbi, Peter Sorensen, ka zhvilluar takime në Paris dhe Berlin gjatë dy ditëve të fundit, për të diskutuar mbi mënyrat e avancimit të procesit të dialogut. Sorensen shprehu mirënjohjen për mbështetjen e plotë të liderëve evropianë në përpjekjet e tij për dialogun. Këto takime vijnë në një kohë kur shefja e diplomacisë së BE-së, Kaja Kallas, ka paralajmëruar një analizë të formatit aktual të dialogut, duke theksuar nevojën për ta bërë atë më funksional. Ajo ka njoftuar se në mars do të takohet me Sorensenin për të përcaktuar hapat e ardhshëm. Ndërkohë, Kosova dhe Serbia po përballen me sfida politike të brendshme, me Kosovën që pret formimin e qeverisë së re pas zgjedhjeve të 9 shkurtit dhe Serbinë që gjendet në një situatë të pasigurt pas dorëheqjes së kryeministres. Sorensen, ndryshe nga paraardhësi i tij Mirosllav Lajçak, do të fokusohet ekskluzivisht në dialogun Kosovë-Serbi, duke shmangur angazhimet në çështje të tjera rajonale.
