Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Sot pas mbledhjes së kryesisë së Partisë Socialiste janë bërë të ditur emrat e ministrave të rinj. Ministër i Brendshëm, do të jetë Fatmir Xhafaj; ministër e Mirëqenies Sociale, do të jetë Olta Xhaçka; ministër i Shtetit për Çështjet Vendore, do të jetë Eduart Shalsi. Këto ndryshime në kabinetin qeveritar i ka komentuar kryeministri shqiptar në një postim të tij: “Ndryshimet nuk reflektojnë asgjë tjetër përveçse domosdoshmërinë që udhëheqësit tanë politikë të fushatës së qershorit të fokusohen dhe të furnizohen me energji të reja në përballimin e volumit të jashtëzakonshëm të kontakteve me njerëzit që kërkon kjo fushatë”, është shprehur Rama.
