Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i PDK-së, Enver Hoxhaj, ka komentuar mbledhjet e dy qeverive të Kosovës e Shqipërisë, që u mbajt dje në Prishtinë. Hoxhaj ka thënë se “i sheh me simpati këto mbledhje” duke kujtuar se partneritetin strategjik i dy vendet e kanë vendosur në mbledhjen e parë të kryesuar nga Thaçi e Rama. “Unë kam qenë Ministër i Jashtëm, së bashku me Kryeministrin Thaçi dhe me Kryeministrin Rama, Ministrin Ditmir Bushati, kemi aranzhuar partneritetin straregjik dhe mbledhjen e parë të dy qeverive në Prizren. Dhe në atë kohë ka qenë vendosmëria e Kryeministrit Rama që ne të lëvizim nga bashkëpunimi normal, në një partneritet strategjik dhe mendoj se është mirë që po vazhdohet ky bashkëpunim” ka thënë Hoxhaj. Hoxhaj i cili promovoi librin e tij “Përplasja e madhe” ku i ftuar ishte edhe kryeministri Rama, ka thënë se në këtë libër “bën përpjekje që përmes rastit të Kosovës të tregojë ideologjinë e Putinit dhe të tregojë se si ai dhe Rusia bëjnë përpjekje të ndërhyjnë në punët e brendshme në shtete të ndryshme. Qasja e Rusisë është që ta kërcënojë stabilitetin sigurinë” ka thënë Hoxhaj.
