Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Turqisë, Rexhep Tajip Erdoğan, ka mbajtur një fjalim në panelin “15 korriku si një shkelje e të drejtës së njeriut”, që është zhvilluar në Dhomën e Tregtisë së Ankarasë. Pasi ka theksuar se 15 korriku ka qenë një përpjekje pushtimi që ishte paraparë të realizohej me dorën e nënkontraktorëve të blerë me 1 dollarë, Erdoğan tha se “qëndrimi i pamëshirshëm që puçistët treguan ndaj popullit tonë, egërsia që treguan dhe gjaku që kanë derdhur ka zbuluar qartë qëllimin e tyre të vërtetë. Numri i qytetarëve tanë që humbën jetën atë natë është 250, ndërsa numri i puçistëve të vrarë vetëm 35. Ja duhet të mendojmë edhe mbi këto shifra. Sikur Turqia të mos ishte një shtet ligjor, sikur të mos ishte një vend që mbikëqyr drejtësinë të paktën dhjetëra mijëra tradhtarë që kanë marrë pjesë fizikisht atë natë në grushtin e shtetit nuk do të ndodheshin nëpër burgje, por do të ndodheshin nëpër gropa të hapura rastësisht, është shprehur në fjalën e tij Erdoğan. Ndërsa në lidhje me zbatimin e gjendjes së jashtëzakonshme Erdoğan ka theksuar se atë do ta heqim kur të përfundojnë të gjitha këto shqetësime, kur të arrijmë objektivin në luftën kundër terrorizmit. Pa mbaruar të gjitha këto askush të mos presë që ne të heqim gjendjen e jashtëzakonshme.
