mbpzhr 2018
valamobile
kek baneri
Fillimi / Botimet / Ermira Babamusta: Doli nga shtypi libri filozofi politike “Etikë dhe Politikë” i autorit Bujar Plloshtani
Ermira Babamusta: Doli nga shtypi libri filozofi politike “Etikë dhe Politikë” i autorit Bujar Plloshtani

Ermira Babamusta: Doli nga shtypi libri filozofi politike “Etikë dhe Politikë” i autorit Bujar Plloshtani

Doli nga shtypi libri më i ri me ese “Etikë dhe Politikë” i autorit, Bujar Plloshtani, me parathënie nga Ermira Babamusta.

“Etikë dhe Politikë” është libër që plotëson një boshllëk në fushën e filozofisë dhe politikës, sidomos në teoritë e ekzistencializmit, analizës psikoanalitike dhe teorisë së konceptimit të njeriut. Nëpërmjet qasjeve dhe koncepteve origjinale ai ka trajtuar pikëpamjet e objektivit që studiohen nga fushat e filozofisë dhe politikës. Ky libër filozofiko-shkencor trajton tema që janë tepër praktike dhe funksionale, që i përshtaten kohës moderne dhe shteteve përkatëse të Ballkanit

“Kjo materie është përafërsisht një reflektim i filozofisë politike, e cila trajton problematika të ndryshme filozofike dhe politike. Ngjarjet e shumta filozofike dhe politike që e karakterizojnë botën sot si kryefjalë kanë diskutimet e shumta, për të arritur modelin e një shteti me qeverisje të mirëfilltë të vlerave demokratike, zbatimin dhe shtrirjen e sundimit të së drejtës në mbarë territorin shtetëror dhe demokracinë, si formë më e mirë e kontrollit të pushtetit”, shprehet në parathënien e tij, autori Bujar Plloshtani.

Bujar Plloshtani, është poet dhe eseist, lindur më 18 dhjetor 1983 në qytetin e Tetovës. Ka kryer studimet për Drejtësi në Universitetin e Evropës Juglindore. Ka punuar në Organizatën SAATCHI, sektori i intervistave, në Shkup. Në Tetor 2007, themelon Shoqatën e artistëve “Pushkin” dhe zgjedhet kryetar i saj.

Në cilësinë e anëtarit të Lidhjes së Shkrimtarëve Shqiptarë të Maqedonisë merr pjesë në Ekspozitën e Friedrich Schiler. (Jeta dhe Vepra në kohë e shkrimtarit gjerman). Më 2010, emërohet anëtar i Shoqatës së Poetëve të Japonisë. Është Anëtar i Dhomës së Festivalit të poezisë “Ura Poetike AMA-HASHI”, Kyoto, Japoni.

“Duet of Azure” është libri ku poezitë e tij janë përkthyer në gjuhën angleze dhe japoneze nga JUNPA Books, Japoni. Është fitues i Festivalit Letrar për të Rinj “Tirana 2016” – Edicioni II

Çmimi i Parë i Jurisë për esenë “Mbi ekzistencializmin”. Ka marrë pjesë në Festivale Letrare në shkallë vendi dhe jashtë. Redaktor në Agjencinë e lajmeve “Klosi News”.

Botimet:

 “Nga regjia e shpirtit” – poezi (2007);

“Traktati mbi arsyen e mendimit” – letra filozofike (2009);

“Mbi arsyen e fjalës” – poezi (2010).

“Etikë dhe Politikë” – filozofi politike (2018)

“Duet of Azure” – poezi e përkthyer (2018)

Kontrolloni gjithashtu

Doli nga shtypi libri publicistik, “Lexoj e reagoj”, i analistit e studiuesit të njohur, Adil Fetahu

Doli nga shtypi libri publicistik, “Lexoj e reagoj”, i analistit e studiuesit të njohur, Adil Fetahu

Studiuesi, juristi e veprimtari i mirënjohur, Adil Fetahu ka nxjerrë në dritë librin më të ...