Kuvendi i Komunës në Deçan mbajti takimin e parë të rregullt për vitin 2021 të kryesuar nga Dr.Haki Shehaj, ku në prezencën e Drejtorëve të drejtorive, përfaqësuesve të shoqërisë civile dhe qytetarëve, u debatua për shumë pika me rëndësi për Komunën e Deçanit.
Për këtë takim ishte parapa ky rend pune:
-
Shqyrtimi dhe miratimi i procesverbalit nga mbledhja e kaluar,
-
Shqyrtimi dhe aprovimi i Planit të punës së Kuvendit për vitin 2021,
-
Marrja e Vendimit për mbajtjen e mbledhjeve të rregullta dhe mbledhjeve publike të Kuvendit dhe të KPF-së për vitin 2021,
-
Shqyrtimi dhe aprovimi i Planit të punës së Komitetit të Komuniteteve për vitin 2021,
-
Shqyrtimi dhe aprovimi i Planit të punës së Zyrës për komunitete dhe Kthim dhe Integrime Evropiane për vitin 2021,
-
Marrja e vendimit për Pëlqimin Mjedisorë për Raportin e Vlerësimit Strategjik Mjedisorë të PZHK-së,
-
Shqyrtimi dhe miratimi i Projekt-Rregullores për përkujdesjen dhe mbrojtjen e fëmijës,
-
Shqyrtimi dhe miratimi i Projekt-Rregullores për Institucionet Edukativo-Arsimore të Komunës së Deçanit ,
-
Shqyrtimi dhe miratimi i Planit te Integritetit,
-
Shqyrtimi i Raportit të Përformancës për vitin 2019,
-
Shqyrtimi dhe aprovimi i Planit të Veprimit kundër korrupsionit,
-
Formimi i Komisionit për përzgjedhjen e Drejtorëve/Zëvendësdrejtorëve të shkollave në Komunën tonë,
-
Të ndryshme.
Pas miratimit të procesverbalit nga mbledhja e kaluar, seanca ka vazhduar me pikat e rendit të ditës.
Pikat 1, 2, 3, 4, 5 dhe 6, janë votuar unanimisht nga të gjithë Asamblistët e pranishëm në seancë. Pikat 7 dhe 8 janë miratuar me shumicë votash, pika e 9 me vota unanime, ndërsa pika e 10 Shqyrtimi i Raportit të Përformancës për vitin 2019, ishte njëra ndër pikat që nuk kërkon miratimin e asamblesë por vetëm dhënien e sqarimeve lidhur me këtë pikë vërejtjet dhe sugjerimet sa i përket përformacës komunale ku për vitin 2019, komuna e Deçanit është renditur jo kënaqësh në këtë fushë. Përformaca e Komunës së Deçanit në 19-të fusha të matjes me gjithsej 119 tregues ka nxjerr komunën e Deçanit në 67.18℅ transparente gjë e cilat është konsideruar jo e drejt karshi të gjitha punëve, investimeve, dhe publikimeve të bëra. Kjo pikë nuk votohet por vetëm diskutohet. Seanca ka vazhduar me pikat e rendit të ditës ku me vota unanime është aprovuar Plani i Veprimit kundër korrupsionit. Në këtë seancë është formuar edhe komisioni për përzgjedhjen e Drejtorëve/Zëvendësdrejtorëve të shkollave të Komunës së Deçanit ku ishte edhe pikë e 12 e rendit të ditës. Sipas rekomandimit të MASH-it komisioni duhet të përbëhet nga tre anëtar:
-
Anëtar i komisionit zgjidhet nga MASHT
-
Xhevat Bozhdaraj- Udhëheqës i Sektorit të Arsimit –DKA
-
Burim Bruqi- Kryetar i Këshillit të Prindërve në Komunën e Deçanit