Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Është mbajtur mbledhja e Këshillit Komunal për Siguri në Bashkësi në komunën e Rahovecit të cilën e udhëheqi kryesuesi i mbledhjes, Kryetari i Komunës së Rahovecit z.Smajl Latifi, fillimisht falënderoi të gjithë anëtarët për pjesëmarrje. Tutje, theksoi se situata e përgjithshme në Komunën e Rahovecit në bazë të argumenteve dhe burimeve që i posedojnë është stabile, e qetë dhe pa ndonjë ndryshim të theksuar prej takimit të fundit të mbledhjes së KKSB-së. Kjo është mbledhja e pestë e rregullt për vitin 2024, me plan të KKSB-së dhe angazhime të reja.
Në këtë mbledhje u diskutua rreth çështjeve:
– Siguria në Komunën e Rahovecit;
– Masat për parandalimin e lëmoshkërkuesve;
– Informatë dhe analizë nga policia e Kosovës për çështjen e vjedhjeve dhe të sigurisë së përgjithshme;
– Informatë për fillimin e procesit mësimor 2024-2025;
– Identifikimi i hapësirave për qasjen e personave me nevoja të veçanta;
– Përfundimi i “Muajit të Mërgimtarëve”;
– Trajtimi i problemeve që lidhen me kanalizime;
– Plani operativ për sezonën e pushimeve të mërgimtarëve dhe të dasmave;
– Për lirimin e trotuareve – hapësirave publike;
– Siguria dhe kontrolli i shpeshtë në trafik;
– Niveli i sigurisë në shkolla;
– Mbrojtja e pyjeve dhe fushave nga zjarret;
– Deponitë ilegale dhe mbeturinat;
– Mbrojtjen e lumenjve që rrjedhin – ndalimi i hudhjes së mbeturinave;
– Ndërtimi i gropave septike, 6 sosh;
– Përpjekja intenzive për ushqim më cilësor me siguri me të lartë (siguria dhe kontrolli i produkteve ushqimore).
– Komandanti i Stacionit Policor – Rahovec, z. Fazli Morina, si zakonisht raportoi rreth situatës së sigurisë në territorin e komunës së Rahovecit, me statistika si në vijim:
– 18 urdhëresa operative;
– 92 vepra penale, 89 incidente penale dhe 3 incidente jopenale;
– 1 rast për prostitucion;
– 1 rast për shitje të narkotikëve;
– 1 rast, sulm ndaj personit zyrtar në kryerjen e detyrës zyrtare;
– 8 raste të falsifikimit të parasë;
– 2 vjedhje të rënda;
– 3 raste të asgjësimit të pajisjeve publike;
– 7 raste për armëmbajtje pa leje;
– 67 urdhëresa të gjykatës;
– 37 persona janë arrestuar, 25 prej tyre janë ndalur për 48 orë;
– Sa i përket sigurisë në komunikacion rrugor:
1338 gjoba në komunikacion rrugor. Prej tyre, 23 gjoba janë shqiptuar për drejtimin e automjetit pa patent shofer, 15 gjoba për mbajtje të telefonit gjatë vozitjes, 208 gjoba për parkingje joadekuate, 30 aksidente me dëme materiale dhe 1 aksident me fatalitet me motoçikletë.
– Në shkollat e Komunës së Rahovecit janë realizuar 292 patrullime.
– Në fund të mbledhjes, kryetari Latifi falënderoi të gjithë anëtarët e KKBS-së për konstruktivitetin, angazhimin dhe punën e bërë.
