Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Numri i deputetëve, të cilët po e kundërshtojnë Marrëveshjen për Demarkacion me Malin e Zi, është rritur madje edhe në radhët e partive në koalicionin qeverisës. Sipas deklarimeve të deritashme del se koalicioni nuk i ka numrat për ratifikimin e kësaj marrëveshjeje. Janë mbi dhjetë deputetë të partive në koalicionin qeverisës, të cilët janë shprehur hapur kundër ose kanë shprehur rezervat ndaj kësaj marrëveshjeje. Në bazë të një llogaritjeje të thjeshtë del se koalicioni nuk i ka votat, meqë duhen 80 vota për ratifikimin e saj, derisa me kundërshtimet e këtyre deputetëve atëherë i bie se do t’i ketë më pak se 80 vota. Duke qenë i njoftuar për këtë problem kryeministri i Kosovës Isa Mustafa ka thënë se është përgjegjësi e deputetëve të marrin vendim, që ta votojnë këtë marrëveshje.
