Ferizaj filloi përgatitjet për shënimin e 17 Shkurtit- Ditës së Pavarësisë

21/01/2019 Institucionet

Në mbledhjen e rregullt të Këshillit të Drejtorëve në Ferizaj, u diskutua për një varg çështjesh në sektorët komunal. Kryetari i Komunës së Ferizajt, Agim Aliu tha se ekzekutivi komunal po shënon çdo ditë rezultate domethënëse në përmbushjen e platformës qeverisëse. Ndër të tjera, në prag të shënimit të 17 Shkurtit – Ditës së Pavarësisë së Republikës së Kosovës, i pari i Ferizajt, Agim Aliu autorizoi Drejtorinë e Kulturës, Rinisë dhe Sportit që të bëj të gjitha përgatitjet e nevojshme për shënimin e kësaj date të rëndësishme për shtetin tonë. Ndër të tjera në këtë mbledhje u diskutua edhe për përgatitjet për seancën e radhës të Kuvendit të Komunës, përgatitjen e raportit përmbledhës të punës për vitin 2018 si dhe planin dinamik për tremujorin e parë të 2019-tës si dhe një mori çështjesh që në planin afatshkurtër presin të marrin drejtimin e duhur në përmbushje të objektivave të punës. Ekzekutivi komunal në Ferizaj ka filluar vitin 2019 me një dinamikë të lartë të punës në secilin sektorë komunal, në përmbushje të pritshmërive qytetare dhe përmirësimit të shërbimeve komunale.

Kontrolloni gjithashtu

Kryetari Latifi nënshkroi kontratat me tre praktikantë nga skema praktike në punë

Sot, kryetari i komunës së Rahovecit z. Smajl Latifi nënshkroi kontratat me tre praktikantë nga …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara