Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në kuadër të përgatitjeve për mbajtjen e festivalit folklorik “Oda e Llapushës”, sot Këshilli Organizativ e ka mbajtur takimin e tyre, ku janë njoftuar për ecurinë e organizimit të deritanishëm të festivalit. Festivali tradicional i folklorit “Oda e Llapushës”, mbahet nën përkujdesjen e kryetarit të Komunës së Malishevës, Ekrem Kastrati dhe mbahet më 1 dhe 2 gusht, në kuadër të shënimit të “ditëve të mërgatës”. Kështu ka bërë të ditur sot, drejtori i festivalit dhe njëherit drejtori i Drejtorisë për Kulturë, Rini dhe Sport, Fitim Shala, pas takimit të Këshillit Organizativ të festivalit, i cili ka kërkuar nga të gjithë anëtarët e këtij këshilli, angazhim maksimal, me qëllim që festivali të jetë i organizuar në mënyrën më të mirë të mundshme. Në festivalin tradicional të folklorit “Oda e Llapushës”, marrin pjesë ansamble, shoqëri kulturore dhe artistike dhe rapsodë nga të gjitha trojet shqiptare dhe është prej aktiviteteve kryesore në vend, në këtë fushë të trashëgimisë kulturore.
