Filloi asfaltimi i rrugës Ngucat-Javor

11/05/2020 Institucionet

Ka filluar asfaltimi i rrugës që lidhë fshatin Ngucat të Komunës së Malishevës, me fshatin Javor të Komunës së Suharekës. Asfaltimi i kësaj rruge, është mundësuar nga Ministria e Infrastrukturës, ndërsa hapja e saj kishte filluar në nëntor të vitit të kaluar, kurse sot ka filluar edhe asfaltimi. Asfaltimin e kësaj rruge e ka parë nga afër edhe i pari i Komunës së Malishevës, Ragip Begaj, i cili është shprehur i kënaqur me realizimin e këtij projekti, madhor për këto dy fshatra, pasi e shkurton lidhjen e tyre, por edhe lehtësohen lëvizjen mes dy fshatrave të dy komunave. “Hapja dhe rregullimi i kësaj rruge, për këto dy fshatra që shtrihen rrëzë maleve të Berishës, ka qenë një kërkesë e kamotshme, e cila tani edhe po finalizohet me asfaltimin e saj dhe kjo e lehtëson lëvizjen mes dy fshatrave”, tha kryetari Begaj, gjatë vizitës në Ngucat, me rastin e fillimit të asfaltimit të kësaj rruge. Kjo rrugë, që lidhë të dy fshatrat e dy komunave, është e gjatë 1 mijë e 680 metra dhe është mundësuar nga Ministria e Infrastrukturës.

Kontrolloni gjithashtu

Aliu: Libri është gjithmonë një dhuratë e çmueshme

Kryetari i komunës së Ferizajt z. Agim Aliu është takuar me një bashkëqytetar  Musa Ramadanin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara