kek
Airport Adem Jashari
MIT
Fillimi / Institucionet / Filloi cikli i parë i repelimit të kafshëve në komunën e Malishevës

Filloi cikli i parë i repelimit të kafshëve në komunën e Malishevës

Sot, në territorin e Komunës së Malishevës, ka filluar cikli i parë i fushatës për repelimin e kafshëve shtëpiake, si masë parandaluese ndaj etheve hemorragjike krime kongo (EHKK). Repelimi i kafshëve, bëhet me qëllim të mbrojtjes nga rriqrat si bartës të virusit të EHKK, të cilët përmes kafshëve barten tek njeriu si dhe për ndërprerjen e ciklit të shumimit të rriqrave, përkatësisht pamundëson, që rriqra të ushqehet nga kafshët.

Repelimi i kafshëve, bëhet nga Agjencia e Veterinës dhe Ushqimit, në bashkëpunim të ngushtë me drejtorinë komunale për bujqësi dhe shtabin komunal, për luftimin dhe parandalimin e EHKK.  Kjo formë e luftimit të EHKK, është në kuadër të zbatimit të strategjisë nacionale për luftimin dhe parandalimin e EHKK.

“Repelimi i kafshëve, ka filluar sot në fshatrat Banjë dhe Gajrak, ndërsa ky është cikli i parë i repelimit. Deri në fund të vitit, pritet të bëhen katër cikle të repelimit”, tha drejtori për bujqësi në komunën e Malishevës, Hajrullah Mazreku, i cili e ka vëzhguar nga afër, fillimin e kësaj fushate. Repelimin e kafshëve, është duke e kryer operatori “Fauna”, i përzgjedhur nga Agjencia e Veterinës dhe Ushqimit, ndërsa në ciklin e parë të repelimit, përdoret preparati “Butox”.

Kontrolloni gjithashtu

Inspektorët komunalë në Skenderajt konfiskojnë produkte jo të sigurta për konsumatorin

Inspektorët komunalë të komunës së Skenderajt, në kuadër të aktivitetit të tyre, kanë kryer një ...