Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Sarajevë të Bosnje Hercegovinës zhvilloi punimet takimi i 14-të i Këshillit të Ministrave të Komunitetit të Energjisë në të cilin u bisedua për situatën energjetike në rajon, sfidat dhe bashkëpunimi në të ardhmen. Gjatë punimeve të Këshillit, përfaqësuesit e Shqipërisë dhe Kosovës njoftuan të pranishmit se ndonëse Kosova-Shqipëria kanë ndërtua një linjë interkonjeksioni 400 kilovotltëshe në mes tyre, funksionalizimi i saj po pamundësohet nga Serbia. Ata shtuan më tutje se që të bëhet i mundur operimi i kësaj linjë duhet që Sistemi i Transmetimit të Kosovës (KOSTT) të njihet nga ENSO-E, rrjeti evropian i transmetimit. Pra, të njihet ndarja e sistemit të transmetimit të Kosovës nga sistemi i transmetimit të Serbisë, çka është dhe pjesë e bisedimeve në dialogun mes Prishtinës dhe Beogradit. Pas shqetësimit të shprehur nga Shqipëria, Kosova dhe Maqedonia, Këshilli i Ministrave të Komunitetit të Energjisë doli me vendim për hapjen e një çështjeje kundër Republikës së Serbisë për mospërmbushjen e kërkesave të Traktatit të Komunitetit të Energjisë duke i lënë 31 Dhjetorin 2016 si afat për të zgjidhur situatën.
