Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në Prizren, nën patronatin e ministrit të Kulturës, Kujtim Gashi, u mbajt Akademi përkujtimore për nder të 30 vjetorit jubilar të rënies në altarin e lirisë, të Dëshmorit të Kombit, prof. Xhemajli Berisha. “Xhemajli Berisha së bashku edhe me shokë dhe shoqe të idealit të shqiptarisë, nipat dhe mbesat e Isa Boletinit, Shote Galicës, Bajram Currit, u përgjaken, u arrestuan, u bugosën, por, asnjëherë nuk u dorëzuan. Xhemajli Berisha, ai trim Kosove, student i shkëlqyer dhe krijues shumë i talentuar, në atë pranverën shqiptare të vitit 1981, sërish, si dikur Adem Demaçi me brezin e tij, po hapnin faqe të re të historisë së luftës për liri”, tha ministri Gashi. Gjithashtu gjatë kësaj Akademie, këshilltari i kryetarit Thaçi, Ismail Syla, i dorëzoi vëllaut të dëshmorit Xhemajli Berisha, titullin “Hero i Kosovës”.
