Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Profesori universitar, Gëzim Qerimi ka tërhequr vërejtjen se bllokada në Kuvend mund të ketë pasoja të shumta për Kosovën. Ai ka theksuar se mes tjerash, kjo bllokadë rrezikon që Kosova të humb shumë fonde nga Bashkimi Evropian. “Nëse kjo bllokadë vazhdon deri më 1 korrik, Kosova humbet mundësinë të përfitojë së paku 90 milionët e para për reforma në ekonomi, arsim dhe mirëqenie sociale. Bllokada në Kuvendin e Kosovës drejtpërdrejtë ka ndikim në proceset integruese të Kosovës. Dihet fakti që Bashkimi Evropian ka miratuar një Fond të Rritjes me miliarda euro për Ballkanin Perëndimor. Nga ky fond përfituesja numër një është Kosova, por si pasojë e kësaj bllokade Kosova nuk ka qasje në këto fonde e që shifra është mbi 820 milionë euro. Në realitet, arsyeja është që kërkohet të miratohet marrëveshja me BE-në në Kuvendin e Kosovës dhe institucionet tona si duket një gjë të tillë nuk e kanë parasysh. Dikush duhet të japë llogari për këto dështime”, ka thënë mes tjerash për Ekonomia Online, profesori universitar, Gëzim Qerimi.
