Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjatë 24 orëve të fundit, në Shqipëri janë evidentuar vetëm tri raste të reja me virusin korona ndërkohë që një person ka humbur jetën nga përkeqësimi i gjendjes shëndetësore nga ky virus. Dy raste janë në Elbasan dhe 1 rast në Tiranë. Vetëm 1 pacient po trajtohet në Spitalin Infektiv, ndërsa aktualisht janë 71 pacientë aktivë me COVID19 në vend. Janë shëruar 7 qytetarë gjatë 24 orëve të fundit, duke e çuar numrin e të shëruarve në afër 130 mijë persona që nga shfaqja e pandemisë. Ministria e Shëndetësisë dhe Mbrojtjes Sociale ju bën apel qytetarëve të vijojnë të zbatojnë me përpikmëri rregullat për parandalimin e COVID19 dhe të mos neglizhojnë asnjë shenjë të sëmundjes. “Për çdo dyshim, kontaktoni me mjekun tuaj të familjes ose telefononi Urgjencën Kombëtare në numrin unik 127”, thuhet në thirrjen që e Ministria e Shëndetësisë dhe Mbrojtjes Sociale ju ka drejtuar qytetarëve.
