Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri në detyrë Ramush Haradinaj ka thënë sot në një konferencë për media se Kosova nuk është mirë të humbas asnjë ditë për të caktuar zgjedhjet e reja, pasi ka një vullnet politik nga të gjitha partitë politike. Gjithashtu ai ka njoftuar se nesër i ka ftuar në takim dy liderët e tjerë që ka bashkë-qeverisur deri me tani, kryetarin e PDK-së, Kadri Veseli dhe atij të Nisma-s, Fatmir Limaj. Haradinaj pas dorëzimit të kërkesës së tij për të interpretim të dorëheqjen e tij në Gjykatën Kushtetuese, tha se kjo është bërë për të qartësuar pozitën e tij dhe me anë të kësaj nuk duhet që të zvarritet shpallja e datës për zgjedhje të reja. Për mos njoftimin e liderëve tjerë institucional për dorëheqjen e tij, ai tha se ka bërë njoftimin në vendin dhe kohën e duhur. Ndërkaq, për vendimin e tij për dorëheqje, kryeministri tha se nuk ka qenë kalkulim politik, siç po potencohet por është bërë për të forcuar pozitën e Kosovës.
