Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-Komandanti i SHP të UÇK-së, gjeneral Agim Çeku, thotë se Kosova shumë shpejtë duhet të formojë Ushtrinë e vet, qoftë përmes ndryshimeve kushtetuese, ligjit apo formave të treta të mundshme. Qeveria dhe Kuvendi duhet të aktivizohen më shumë në përmbushjen e kërkesës së qytetarëve dhe nevojave të forcimit të shtetit. Kosova në vazhdimësi është përballur me përpjekjet e Serbisë për destabilizim të situatës këtu, me çka edhe po e rritë presionin kohëve të fundit. Ne duhet t’u bëjmë ballë kërcënimeve të Serbisë dhe t’i ndalojmë ato. Kosova është dashur ta ketë ushtrinë deri tash. Por mendoj që tani është krijuar një ‘momentum’, është krijuar një nevojë imediate që të krijohet ushtria, në këtë mënyrë apo në atë mënyrë. Qeveria të lëvizë dhe Kuvendi ta krijojë sa më parë ushtrinë e Kosovës, ka thënë mes tjerash, për Kosovapress, ish-gjenerali i UÇK-TMK-së, Agim Çeku.
