Gjermani Rudolf Broer ndihmon QKMF-në dhe Handikos-in në Malishevë

01/07/2016 Institucionet

Biznesmeni dhe humanisti gjerman Rudolf Broer, ka ndihmuar Komunën e Malishevës, përkatësisht Qendrën Kryesore të Mjekësisë Familjare në Malishevë dhe Qendrën e Rehabilitimit HANDIKOS në Malishevë, me një veturë (kombibus) për bartjen e personave në hemodializë dhe tetë karroca për persona me nevoja të veçanta. Me këtë rast, humanistin gjerman, e ka falënderuar edhe kryetari i Komunës së Malishevës, Ragip Begaj.

Deri tek ky donacion, ka ardhur pas kontakteve dhe bashkëpunimit mes kryetarit të Komunës së Malishevës, Ragip Begaj dhe humanistit gjerman Rudolf Broer, gjatë vizitës së kryetarit Begaj në Gjermani dhe vizitës së para pak kohe të Broerit në Malishevë, ku ky i fundit kishte premtuar këtë ndihmë.

Pas kryerjes së të gjitha procedurave, ky humanist, ka sjellë në Malishevë këtë automjet, në shërbim të QKMF-së, përkatësisht bartjes së personave në hemodializë, si dhe ka sjellë edhe tetë karroca për personat me aftësi të kufizuara, të cilat ja ka dorëzuar Qendrës së Rehabilitimit HANDIKOS në Malishevë.

Kryetari i Komunës së Malishevës, për këtë donacion e ka falënderuar humanistin Broer.

Kontrolloni gjithashtu

Presidentja Osmani vizitoi Komunën e Malishevës pas reshjeve të fundit të shiut

Sot, në orët e mbrëmjes, Presidentja e Republikës së Kosovës, Vjosa Osmani, ka vizituar Komunën …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2026, Të gjitha të drejtat e rezervuara