Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Avokati, Tomë Gashi ka bërë të ditur se Gjykata e Apelit ka liruar nga paraburgimi dy aktivistët e Vetëvendosjes, Atdhe Arifi dhe Egzon Haliti, duke ua zëvendësuar masën me “arrest shtëpiak”. Dy aktivistët po mbaheshin në paraburgim si të dyshuar për sulmin kundër Kuvendit të Kosovës më 4 gusht 2016. Avokati Tomë Gashi thotë se të gjithë të aktivistët e Vetëvendosjes të dyshuar për këtë sulm janë të pafajshëm dhe se janë arrestuar vetëm për shkak të përkatësisë partiake. Nëse Astrit Dehari do të ishte gjallë, dita e fundit që ai do të lirohej prej paraburgimit do të ishte dita e sotme, për shkak se për arsye të njëjta, arsye jo të ligjshme Gjykata Themelore në Prishtinë i ka caktuar paraburgimin së bashku me të tjerët, ka nënvizuar avokati Tomë Gashi, që përfaqëson edhe familjen Dehari në rastin e vdekjes së Astrit Deharit, në rrethana ende të pandriçuara.
