Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata Supreme sërish ka vendosur në favor të ankesës së Lëvizjes Vetëvendosje për pranimin dhe numërimin e votave të diasporës. Vetëvendosje nëpërmjet një komunikate për medie ka bërë me dije se para pak çastesh ka pranuar vendimin nga gjykata me të cilin Komisioni Qendror i Zgjedhjeve obligohet që t’i numërojë mbi 4 000 votat e ardhura nga diaspora pas 5 tetorit. “Vendimi i Gjykatës Supreme konfirmoi ankesën e Lëvizjes VETËVENDOSJE! Sot në ora 16:19 morëm vendimin nga Gjykata Supreme e Republikës së Kosovës ku u konfirmua e drejta e bashkatdhetarëve tanë dhe më në fund u hap rruga për numërimin e pakove me vota të ardhura prej tyre. Presim që sa më parë Komisioni Qendror i Zgjedhjeve të mblidhet dhe të marrë vendimin për të vijuar me procedurat e verifikimit dhe numërimit të këtyre fletëvotimeve. E gjitha kjo mund të ishte evituar nëse prej 12 tetorit KQZ do të kishte lejuar administratën e KQZ-së që t’i numëronte këto fletëvotime”, thuhet në komunikatën e Vetëvendosjes.
