Azem Syla

Gjyqtari i EULEX-it i cakton 1 muaj paraburgim ish-deputetit, Azem Syla

Gjykata Themelore në Prishtinë ka bërë të ditur se një gjyqtar i EULEX-it ka vendosur që ish-deputetit, Azem Syla t’i caktohet masa e paraburgimit në kohëzgjatje prej 30 ditësh. “Gjyqtari i procedurës paraprake të EULEX-it kishte lëshuar një flet-arrest për të pandehurin më 26 prill 2016. Ai është arrestuar më 29 prill 2016 dhe sjellur para një gjyqtari të EULEX-it për caktimin e paraburgimit. Rastin është duke e ndjekur penalisht Prokuroria Speciale e Kosovës (PSRK). Të gjitha palët kanë të drejtë ankese”, thuhet në njoftimin e Gjykatës Themelore. Ish-komandanti i Shtabit të Përgjithshëm të UÇK-së, Azem Syla dyshohet për disa vepra penale, të cilat sipas Prokurorisë, janë kryer në bashkëpunim edhe me disa persona të tjerë. Në këtë proces do të jetë dëshmitar edhe bashkëpunëtori i EULEX-it, Nazim Bllaca.

Kontrolloni gjithashtu

Bedri Hamza është shprehet optimist se do ta fitojë garën për kryetar të Mitrovicës pa balotazh

Bedri Hamza shfaq dyshime lidhur me komunikimin e njërit prej organizatorëve të sulmit në veri të Kosovës me Mimoza Kusarin

Kryetari i Mitrovicës, Bedri Hamza, ka ngritur një zë kritik në lidhje me dialogun me …