Gresë Krasniqi, bija e Jakup Krasniqit i cili po mbahet i arrestuar në burgun e Sheveningenit, në Hagë, e ka takuar babanë e saj pas 8 muajve.
Njoftimin për vizitën familjare dhe takimin me babanë e saj e saj e ka bërë të dituar përmes një postimi.
Ajo ka shkruar:
Për 8 muaj e 12 ditë ëndërruam praninë dhe përqafimin tënd.
Sot, mu qetësua shpirti Babi.
Harruam gjithçka.
Harruam dhimbjen, pritjet, vuajtjet.
Jeta nganjëherë qenka e padrejtë me njerëzit e mirë.
Sa i mirë je ti babi, sa shumë padrejtësi durove.
E kisha ëndërruar këtë moment takimi .
Sa shumë na kishe munguar!
Sa e rëndë ishte të shoh aty, por të pash më të fort se herëve tjera.
Megjithëse përballeshe me shumë padrejtësi të pash më të buzëqeshur se më parë, mjekra e bardhë ti numëron vitet plot vuajtje, por ajo të ka bërë edhe më të pashëm.
Sa na kishe munguar!
E di, se ti edhe njëherë i duhesh Kosovës dhe UÇK-se. Por, na duhesh edhe neve.
Padrejtësia babi, vret më shumë se plumbi.
U çmallëm thua, po ky mall vështirë se kalon.
Te duam.