Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i Grupit Parlamentar të Partisë Demokratike të Kosovës, Bedri Hamza ka thënë në Kuvendin e Kosovës se Kosovës lirinë nuk ia ka falur askush. “Dhjetëra mijëra viktima, dëme të pariparueshme, jetën kanë dhënë mijëra dëshmorë. Të thuhet se me këtë ligj po cenohet liria e shprehjes është e padrejtë dhe nuk është e vërtetë. Ligji nuk e cenon lirinë e asnjë komuniteti apo bashkësi fetare”, deklaroi Hamza. Sipas tij, Projektligji për Mbrojtjen e Vlerave të Ushtrisë Çlirimtare të Kosovës është shumë më i rëndësishëm se ai i Pandemisë. Ai thotë se PDK është e hapur që çdo nen apo fjali që është e papërshtatshme ta diskutojë. “Ne jemi të hapur për të gjitha propozimet pozitive t’i pranojmë. Kërkojë mbështetje nga të gjitha grupet parlamentare që t’i hapet rruga në procedurë dhe të vijë me përmirësime në lexim të dytë”, tha ndër të tjera Bedri Hamza.
