Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke komentuar deklaratën e nënkryetarit të Kuvendit të Kosovës, Xhavit Haliti i cili ka thënë se Mali i Zi është në NATO dhe kushdo që e cenon është në problem me NATO-n, deputeti i Aleancës për Ardhmërinë e Kosovës, Daut Haradinaj ka thënë se NATO nuk e ka anëtarësuar Malin e Zi për ti marrë territor Kosovës. E dëgjova prononcimin e Nënkryetarit të Kuvendit z. Xhavit Haliti rreth demarkacionit. Ai tha se Mali i Zi është në NATO dhe kushdo që e cenon është në problem me NATO-n. Në mënyrë perfide z.Haliti po mundohet të aludoj se po e cenojmë Malin e Zi. E vërteta është ndryshe, askush s’po e cenon askënd dhe as NATO nuk e ka anëtarësuar Malin e Zi për ti marrë territor Kosovës, apo për t’ju arsyetuar ju. Më çudite me këto gjetje i nderuar Nënkryetar!, ka shkruar në adresën e tij elektronike, deputeti i Aleancës për Ardhmërinë e Kosovës, Daut Haradinaj.
