Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke komentuar deklaratën e presidentit të Serbisë, Aleksandër Vuqiç i cili ka mohuar krimin kundër njerëzimit që ka bërë Serbia në Reçak, ambasadori i vendit to në Shqipëri, Nait Hasani ka thënë se krimet nuk vjetrohen kurrë e as nuk duhet të harrohen. Serbia po e bën këtë duke shfrytëzuar harresën kohore dhe neglizhencën e shqiptarëve, në mungesën e kallëzimeve penale për gjenocid nga shteti i Kosovës. Ambasadori Hasani ka shtuar më tutje se Serbia po bën mohimin e krimeve të saj nëpërmjet presidentit të saj Vuqiç i cili ka qenë pjesëmarrës i krimeve monstruoze në Bosnjë e Kosovë, kur nga miqtë e nga bashkësia ndërkombëtare po kërkohet paqe e dialog mes Kosovës-Serbisë. Akterët ndërkombëtarë duhet të dënojnë shtrembërimet e pështira të vërtetës historike, që fyejnë viktimat dhe përpjekjet për pajtim dhe se masakra e Reçakut nuk do të harrohet kurrë. Institucionet e Kosovës duhet ta thonë në çdo institucion ndërkombëtar, të vërtetën për krimet Serbe në Kosovë, dhe kjo duhet të procedohet menjëherë me kallëzime penale e dënime të krimeve të bëra nga policia e ushtria Serbe, në Kosovë, ka porositur ambasadori, Nait Hasani.
