Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Lëvizjes Vetëvendosje, Albulena Haxhiu, ka kujtuar marrëveshjen për normalizim të marrëdhënieve Kosovë-Serbi të nënshkruar në vitin 2013 mes kryeministrit të atëhershëm Hashim Thaçi dhe atij të Serbisë, Ivica Daçiq, derisa e ka quajtur atë marrëveshjen më të dëmshme që nga paslufta. Sipas saj, kjo marrëveshje synonte të instalonte bosnjëzimin e Kosovës, me ç’rast siguronte autonomi për serbët në Kosovë. Ajo thotë se ekonominë, sigurinë e shëndetësinë dhe arsimin, sipas kësaj marrëveshje, duhet ta kontrollonin vetëm serbët, në vendbanimet me shumicë serbe. Sipas Haxhiut, projekte të tjera të dëmshme ende po vazhdojnë t’i sillen Kosovës. Haxhiu thotë se, krahas kërcënimeve të tilla edhe më i fuqishëm është vullneti i qytetarëve që sot sikur atëherë nuk do të lejojë as kryeministra e as presidentë që ta cenojnë sovranitetin dhe integritetin territorial të vendit.
