Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti nga radhët e Lidhjes Demokratike të Kosovës, Avdullah Hoti ka shkruar se nga të dhënat e Bankës Botërore mësohet se vendi është zhvilluar gjatë qeverisjeve të kaluara. Ai ka shkruar se këto të dhëna dëshmojnë se pavarësisht vështirësive me të cilat është përballur, Kosova është zhvilluar gjatë qeverisjeve paraprake dhe nuk është varfëruar. “Banka Botërore po thotë se: “Kosova ka përjetuar progres të qëndrueshëm ekonomik gjatë dekadës së fundit, me një rritje prej afro 50 përqind të të ardhurave për kokë banori dhe një ulje prej 35 për qind të shkallës së varfërisë”. Këtë të vërtetë tani po e pranojnë majtistët në pushtet. Pra, pavarësisht sfidave, Kosova qenka zhvilluar nga “regjimet e kaluara” e jo varfëruar, siç bëjnë propagandë mashtruesit. Mashtrimet e opinionit po marrin fund. E vërteta mbizotëron gjithmonë”, ka shkruar deputeti i Lidhjes Demokratike të Kosovës, ish-kryeministri Avdullah Hoti.
