Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjatë pjesëmarrjes në Forumin e Bledit në Slloveni ku në fokus të takimeve ka pasur çështjen e liberalizimit të vizave për Kosovën një ditë pas diskutimeve në komitetin LIBE në Parlamentin Evropian, ministri i Punëve të Jashtme i Kosovës, Enver Hoxhaj ka zhvilluar një sërë takimesh. Ai ka zhvilluar një takim me eurodeputeten, Tanja Fajon me të cilën ka diskutuar për zhvillimet e 24 orëve të fundit sa i përket liberalizimit të vizave dhe hapat që duhet ndjekur sidomos nga ana e Kosovës në javët e ardhshme. Edhe Tanja Fajon ka shprehur përkrahjen e saj të pa rezervë për liberalizimin e vizave për Kosovën. Krye diplomati Hoxhaj ka zhvilluar edhe një takim me Harlem Desir, ministër për Çështje Evropiane të Francës ku është shprehur përkrahja për liberalizimin e vizave, përkrahja për anëtarësimin në organizata ndërkombëtare dhe përgëzime për përmbushjen e reformave në agjendën evropiane, bëhet e ditur në njoftimin për media.
