Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i Kuvendit të Kosovës, nga radhët e Partisë Demokratike të Kosovës, Enver Hoxhaj ka shkruar se Serbia hegjemoniste po e kërcënon paqen në Kosovë dhe Ballkan. Ai ka shkruar se dilemat e sigurisë dhe kërcënimi i paqes në Ballkan, nuk janë rikthyer vetëm për shkak të luftës në Ukrainë, por janë pasojë e mospërmbylljes së plotë të konflikteve në rajon! :Paqja po kërcënohet për shkak të shovenizmit serb dhe politikës hegjemoniste, sikurse tregojnë ngjarjet në veri të Kosovës, tensionet në Bosnje dhe ballafaqimi i ri me Kishën serbe në Mal të Zi! Përmbyllja e shtetësisë së Kosovës me anëtarësim në OKB, përshpejtimi i integrimit evropian të rajonit dhe anëtarësimi në NATO i Kosovës dhe Bosnjes janë gurthemele për evitimin e konfliktit në Ballkan! Me ftesë të Presidentit Alfred Moisiu, kisha nderin të marr pjesë në Konferencën Ndërkombëtare të Lidershipit në Tiranë, të organizuar nga Federata e Ambasadorëve të Paqes: ka shkruar ish ministri i Punëve të Jashtme të Kosovës, Enver Hoxhaj.
