Grenell

I dërguari i kryetarit amerikan në bisedimet Kosovë-Serbi, Richard Grenell, mirëpret nismën për “Shengenin ballkanik”

Ambasadori, Richard Grenell, i dërguari i kryetarit amerikan për bisedimet Kosovë-Serbi, tha të enjten se e mirëpret nismën për “shengenin ballkanik”, duke theksuar se kjo nismë mund të jetë e suksesshme nëse përfshihen të gjithë në rajon, përfshirë edhe Kosovën. Në një deklaratë të publikuar në faqen e internetit të ambasadës amerikane në Berlin, thuhet se mirëpresim nismën për ‘minishengenin’ e Ballkanit Perëndimor si një mënyrë për të filluar lëvizjen e lirë të njerëzve dhe mallrave. Ne besojmë se që kjo nismë të jetë e suksesshme, ajo duhet të përfshijë të gjithë në rajon, përfshirë qeverinë e Kosovës. Administrata e kryetarit Trump është e përqendruar për të ndihmuar gjithë rajonin të krijojë mundësi ekonomike dhe punë për të rinjtë”, thuhet në këtë deklaratë. Një nismë e përbashkët e udhëheqësve të tri vendeve ballkanike, Shqipërisë, Serbisë e Maqedonisë së Veriut për një Shengen Ballkanik, nxiti reagime dhe përplasje në distancë ndërmjet Prishtinës dhe Tiranës. Për mundësinë e krijimit të këtij  të quajturi, minishengen u sulmua dhe e fye rëndë  sidomos Edi Rama, nga të vetëquajturit analistë në Tiranë e sidomos në Prishtinë.

Kontrolloni gjithashtu

Komisioni për Politikë dhe Demokraci i Asamblesë Parlamentare të Këshillit të Evropës miraton raportin për kërkesën e anëtarësimit të Kosovës

Asambleja Parlamentare e Këshillit të Evropës ka shënuar një hap të rëndësishëm në procesin e …