Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kreu i Lidhjes Demokratike të Kosovës, Isa Mustafa, ka thënë se nënkryetarja e partisë, Vjosa Osmani, duke mospërkrahur mocionin e mosbesimit ndaj Qeverisë Kurti, nuk e ka respektuar partinë e saj. “Vetë fakti që ajo ka dalë kundër mocionit të mosbesimit, për të cilin ka qenë shumica dërrmuese në LDK dhe ka dalë kundër formimit të Qeverisë së LDK-së në krye me njeriun e LDK-së, është mosrespekt ndaj LDK-së dhe organizatës së vet. Prandaj, s’është vota që të jep fuqi që të mos ta respektosh partinë tënde. Por është vota që ta çosh përpara partinë tënde duke e respektuar”, ka thënë Mustafa. Për mundësinë e përfshirjes së Vjosa Osmanit në listën zgjedhore, ai u shpreh se do të diskutohen në momentin që të bëhet lista, meqë siç tha ai “sot s’merren fare me zonjën Osmani”.
