Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës Isa Mustafa , në mbledhjen e sotme të Qeverisë, i siguroi qytetarët e vendit, se institucionet janë në krye të detyrës për të mbrojtur stabilitetin e arritur. Kryeministri ka ftuar edhe njëherë ministrat serbë që të kthehen në Qeveri, të respektojnë Kushtetutën, ligjin dhe institucionet e Republikës së Kosovës. Ai ka bërë thirrje autoriteteve lokale në Mitrovicën Veriore, që të zbatojnë ligjet e Kushtetutës së Kosovës për murin e ndërtuar pa leje. Po ashtu, Mustafa ftoi edhe Qeverinë e Serbisë, që të heq dorë nga gjuha kërcënuese, dhe këtë gjuhë ta zëvendësojë me gjuhën e dialogut dhe me gjuhën e bashkëpunimit. Në emër të Qeverisë, kryeministri falënderoi qytetarët për shkallën e lartë të përgjegjësisë qytetare, me të cilën kanë përballuar provokimet nga Serbia. Po ashtu ai ka ftuar përfaqësuesit e partive politike të opozitës, qytetarët, mediet, shoqërinë civile, që të punojnë bashkërisht, në projektin e avancimit të demokracisë së vendit.
