Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i LDK-së, Isa Mustafa, i ka reaguar deputetes së Vetëvendosjes, Fitore Pacolli, pasi ajo në një paraqitje publike ka përmendur Mustafën dhe nënën e heronjve, Luan e Shkëlzen Haradinaj, duke thënë se kanë kërkuar shërim jashtë vendit. Isa Mustafa ka shkruar me këtë rast se kjo logjikë e deputetes, Pacolli është fashiste. Edhe të sëmurët s paskan guxim të shërohen kur ata kanë nevojë, por aty ku diktojnë trurët e shpërlarë. Të përgojosh nanën Rukë, nënën e heronjve e të luftëtarëve të gjallë të lirisë, është turpi i turpit. Është kulmi i idiotësisë individuale e kolektive, i mungesës së edukatës minimale familjare dhe e traditës kombëtare. Isa Mustafa thotë se nuk i ka pyetur ata për shërimin e tij jashtë Kosovës, meqë ata e kanë gjuajtur me mollotov dhe gaz lotësjellës. “Sa për shërimin tim në vend dhe jashtë vendit, e vërteta është se nuk i kam pyetur ata që më gjuajtën me mollotov, me gaz lotësjellës, me sprej syve që u përpoqën të bëjnë atentate me iriqë të hekurt, që gjuanin me bomba shtëpitë dhe institucionet shtetërore. Sepse i gjallë je i tepërt për logjikën e tyre, ka nënvizuar, kryetari i LDK-së Isa Mustafa.
