Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryetari i Shqipërisë, Alfred Moisiu u ka bërë thirrje liderëve politikë t’i ndajnë interesat madhore të Kosovës prej interesave të tyre personale. Ai në një intervistë për ‘Epokën e re’, ka thënë se të zgjedhurit e popullit duhet t’i thërrasin mendjes dhje ta tejkalojnë krizën nëpër të cilën po kalon Kosova. Sipas tij, zgjidhja e vetme për të dalë nga kjo situatë është dialogu. Moisiu ka bërë me dije se kjo krizë cenon reputacionin ndërkombëtar të Kosovës dhe besimin e qytetarëve te politikanët. Ai ka thënë se Kosova dhe Shqipëria janë mbrapa sa i përket bashkëpunimit si dy shtete, kurse sa i përket bashkimit kombëtar, Moisiu ka bërë me dije se shqiptarët duhet ta synojnë që këtë bashkim ta arrijnë në kuadër të BE-së.
