Isufaj: Vlerësoj mbështetjen në luftën kundër pasurisë së fituar në mënyrë joligjore

Isufaj: Vlerësoj mbështetjen në luftën kundër pasurisë së fituar në mënyrë joligjore

Kryesuesi i Këshillit Prokurorial të Kosovës, Blerim Isufaj, sot ka pritur në takim udhëheqësin e projektit “Mbështetje e mëtejshme Institucioneve të Kosovës në luftën kundër krimit te organizuar, korrupsionit dhe ekstremizmit të dhunshëm”, Ian McDonald. Kryesuesi Isufaj ka njoftuar McDonald me funksionimin e sistemit prokurorial të Kosovës, në veçanti me riorganizimin e bërë në këtë sistem. ku me ndryshimet e fundit ligjore sistemi prokurorial i Kosovës ka strukturë të re organizative dhe funksionale. Udhëheqësi i Projektit McDonald, tha se qëllimi i projektit që ai udhëheq, është mbështetja e sistemit prokurorial në luftën kundër krimit të organizuar dhe korrupsionit, me thekës të veçantë në konfiskimin e aseteve të fituara në mënyrë të kundërligjshme. Ndërsa kryesuesi Isufaj tha se është duke punuar në këtë drejtim, si dhe shprehi vullnetin për angazhimin e mëtejmë të sistemit prokurorial në luftën kundër pasurisë së fituar në mënyrë joligjore. Lidhur me konfiskimin e aseteve të fituara në mënyrë të kundërligjshëm, të dy bashkëbiseduesit folën për legjislacionin që rregullon këtë fushë dhe u pajtuan që nevojitet plotësim-ndryshim i tij, me qëllim të rritjes së efikasitetit në konfiskimin e aseteve të fituara në mënyrë të kundërligjshme.

Kontrolloni gjithashtu

OVL e UÇK-së, dega Deçan: në një vjetorin e ndarjes nga jeta, mbahen homazhe për çlirimtarin Agron Haradinaj

Të nderuara Familje të Dëshmorëve ,Invalid dhe Veteranë të Luftës së UÇK-së. Të nderuar qytetarë! …