Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në një fjalë lamtumire që shënoi përfundimin e një dekade në krye të NATO-s, Jens Stoltenberg ka paralajmëruar vendet anëtare të aleancës të mbeten të bashkuara dhe të jenë të gatshme të “paguajnë çmimin për paqe” në përballje me një Rusie të guximshme. Në selinë e NATO-s, në Bruksel më 19 shtator, Stoltenberg theksoi të arriturat e tij gjatë mandatit dhe sfidat aktuale që përballen vendet anëtare. NATO ka përmbushur zotimin e dhënë për të shpenzuar 2% të GDP-së për mbrojtjen, ky nivel shpenzimesh tani nuk është më i mjaftueshëm për të mbrojtur aleancën kundër kërcënimeve nga Rusia. Ai theksoi se është e domosdoshme të rritet buxheti për mbrojtje dhe të forcohet efikasiteti i mbrojtjes për të garantuar sigurinë e aleancës. Në lidhje me luftën në Ukrainë, Stoltenberg theksoi rëndësinë e mbështetjes së qëndrueshme ushtarake për Ukrainën, duke theksuar se çdo marrëveshje paqeje me Rusinë duhet të mbështetet nga një përkrahje ushtarake e fortë dhe e qëndrueshme.
