Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori i lartë i politikave për qendrën për kontrollin dhe mospërhapjen e armëve, Xhon Erth, thotë se Perëndimi duhet ta rris vëmendjen në rajon sepse situata mund të përshkallëzohet nga retorika nacionaliste. Javë më parë në raportin e publikuar nga inteligjenca amerikane thuhet se përgjatë vitit 2024 mund të ketë konflikte etnike në Ballkanin Perëndimor. Situatë e ndjeshme e sigurisë vlerësohet të jetë në Bosnje Hercegovinë dhe ne veriun e Kosovës. Udhëheqësi nacionalist i serbëve të Bosnje e Hercegovinës, Millorad Dodik, ka paralajmëruar disa herë se do tërheqë rajonin serb, të njohur si Republika Sërpska, nga institucionet shtetërore të Bosnjës. Për shkak të aktiviteteve destabilizuese Dodik është sanksionuar nga Shtetet e Bashkuara të Amerikës dhe Mbretëria e Bashkuar. Edhe kryeministri i Kosovës, Albin Kurti nuk e ka përjashtuar mundësinë që Serbia ta sulmojë sërish veriun e vendit.
