Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori i Gjermanisë në Kosovë, Jorn Rohde, iu ka dhënë mbështetje të plotë deklaratave të ndihmës-sekretari i Përgjithshëm i NATO-s, gjatë vizitës së tij në Kosovë. Rohde ka theksuar angazhimin e vazhdueshëm të Gjermanisë për mbështetje të KFOR-it që nga krijimi i tij, duke e vlerësuar këtë si një faktor kyç për sigurimin e stabilitetit në Kosovë dhe në të gjithë rajonin. Ai ka theksuar se stabiliteti i arritur në rajon nuk duhet të vihet në rrezik nga mungesa e dialogut apo veprime të pakoordinuara. Në këtë kontekst, ambasadori ka shpërndarë deklaratën e z. Ruge në të cilën, ka theksuar se çështja e Urës së Ibrit duhet të zgjidhet përmes dialogut. Rohde ka nënvizuar se Gjermania është e përkushtuar në ruajtjen e këtij stabiliteti dhe në mbështetje të përpjekjeve për zgjidhjen e çështjeve të ndjeshme në rajon.
