Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i politikës së jashtme të BE-së, Josep Borrell, dënoi sulmin e fundit nga kolonët izraelitë kundër një fshati palestinez në Bregun Perëndimor, duke thënë se ai planifikon të propozojë sanksione të mëtejshme kundër mbështetësve të tyre, përfshirë ata në qeveri. Ditë pas dite, në një pandëshkueshmëri pothuajse totale, kolonët izraelitë nxisin dhunën në Bregun Perëndimor të pushtuar, duke kontribuar në rrezikimin e çdo mundësie për paqe”, tha Përfaqësuesi i Lartë i BE-së për Punët e Jashtme dhe Politikën e Sigurisë, Josep Borrell në një postim të tij. “Qeveria izraelite duhet të ndalojë menjëherë këto veprime të papranueshme. Unë konfirmoj qëllimin tim për të paraqitur një propozim për sanksione të BE-së kundër mundësuesve të kolonëve të dhunshëm, duke përfshirë disa anëtarë të qeverisë izraelite,” përfundoi ai. Kolonët izraelitë të maskuar në Bregun Perëndimor të pushtuar sulmuan fshatin Jit, duke u vënë flakën shtëpive dhe makinave, thanë mediat izraelite dhe palestineze.
