Jusuf Zenunaj : Mehmet Loc-veterani


Veteran i UÇK-së


ish shërbëtori i Mup-it,


ky lajm


këmbët n’ dysh seç m’i këputi !


Ah Kosova ime,


Nënëlokja trime ,


shumë këmbë të përgjakura


mbi trupin tënd rënduan,


të mundura radhë , radhë


shkuan nëno , shkuan..,


plagët s’u shëruan.


Miellin e magjes së vjetër


djemtë tu ta kanë përzier


grurë,misër me thekër,


Janë ngatërruar mullisët


me loparët e vjetër.


Si nuk pëlcet zemra


sikur kokrra e kripës në zjarr ?!


Në të njëjtën listë


çlirimtarë e tradhtarë? !


Unë Hanko Halla,


Kosovë t’ lutem sot,


më thuaj


ç’luftë paska bërë veterani,


Mehmet Loc Pejani ? !


 


9 korrik 2015


 


 


Jusuf Zenunaj: Une në jug e ti në veri


 


Në të gjitha anët e atdheut tonë


dita krejt nuk ka zbardhur


jo, jo, nuk ka zbardhur !


Fyellashti dridhet në nëpër kohë,


në degët e lisit të moçem pranë kullës


e një zë më thërret prej jugut


Boletin ku je,


ku je !?


Malli për ty më ka marrë


ta shoh mbi vetull


qeleshen e bardhë


e koburen n’ brez


moti o Isë,


o vëlla të pres,


Unë roje në jug,


ti në veri,


në mëmëdheun tonë-


Shqipëri.


 


J. Z. ,qershor 2015


 


 


Erdhen na ndihmuan,


vendin e çliruam,


erdhen na ndihmuan


vendin na e coptuan.


me fjalë ” t’ ëmbëla e t’ buta “


do të ndërrohet kushtetuta


atdheu im i dashur


ç’u bëre mish-mash,


siç donim të të shihnim


ende nuk të pashë,


tanët të grryejnjnë


bashkë me të’huajt horra


se s’u dogji dora…


 


 


J.Z. , 13 qershor 2015


 


 

Kontrolloni gjithashtu

Albert Zholi

-Albert Z. ZHOLI: Flasin për Ditën e Verës: Luan Zhegu, Bashkim Alibali, Paro Ziflaj dhe Vitore Stefa. Leka

Flasin Luan Zhegu, Bashkim Alibali, Paro Ziflaj dhe Vitore Stefa. Leka -Dita e Verës nuk …